Kursdatum: | 5.9.2026 |
Kurs Ort: | Feenchic,Hintere Gasse 10,3297 Leuzigen |
Kurs Zeit: | 9 Uhr bis ca.17:30 |
Kurs Teilnehmer: | 5 |
Kurs Kosten: | 177 fr. plus 50 Material |
Im Waud imne Boum oder ou imne Stei Naturgeister Beseele üsi Natur mit ihrem Wäse und ihrne Energie.
Mir göh am vormittag bi üs i wunderschöni Leuzigerwaud uf d`Suechi nach de Naturgeister und Waldwäse. Do dr bii löh mir dr Wald u sini wunderbari Eenergi uf üs loh wirke um am nomittag üse ganz Persönlichi Naturgeist im Feenchic z`Kreiere.
Du Bruchsch do dr für gueti Schueh und spöter ou no Finke und ev.am Wätter entsprächendi Kleider.
Wasser u Tee hets meh aus gnueg u für`s Libliche wohl wird ou gsorgt mit Suppe Salat u früschem Brot u Chäs.
Am nomittag gits no chli Kuchen und Kaffe.
Weni di ha gluschtig gmacht darfsch du di sehr gärn übers Kontakformular Amäude.
I hoffe di scho glii im Feenchic chönn z`Bergüesse und ä gmüetliche Tag mit wunderschöne Naturgeister Kreatione z`gniesse.
In liebi Fee Sandra
Kursdatum: | 18.9.2026 |
Kurs Ort: | Feenchic,Hintere Gasse 10,3297 Leuzigen |
Kurs Zeit: | 13:30 Uhr bis 17:30 |
Kurs Teilnehmer: | 5 |
Kurs Kosten: | 88 fr. plus 30 Material |
ä Häxe nomittag im Feenchic eifach schön u gmüetlich.
Ganz noch dim Härz u dim Gfühl kreiersch du dini ganz persönlechi Häx für dis Däheime.
Chrüterhäx Waldhäx oder doch ä ganz normali Chuchihäx das darfsch du a däm nomittag eifach loh entstoh.
Für dö nomittag bruchsch du ned füu,äs paar Finke und freud am Kreativ sii.
Tee und Wasser hets meh aus gnueg u zum Zimis gits äs feins Stück Chueche und Cafe.
Weni di ha glustig gmacht chasch du di gärn übers Kontaktformular amäude.
Jetzt freu imi ufene gmüetlichi Nomittag u ganz füu wunderschöni Häxe
in Liebi Fee Sandra
Kursdatum: | 26.10.2026 |
Kurs Ort: | Feenchic,Hintere Gasse 10,3297 Leuzigen |
Kurs Zeit: | 9Uhr bis ca. 17 Uhr 30 |
Kurs Teilnehmer: | max; 4 Personen |
Kurs Kosten: | 177 Fr. für den Kurs plus 55 Fr. Material |
Ibi s`Häxli Trulla, mängisch chli äs Schlitzöhrli aber äs wäuz Liebs. I passe guet uf dis Huus dini Familie u auii dini Tier uf. Gärn zeigeni dir a däm Tag wie du dis ganz Persönliche Häxli chasch Kreiere mit au dine lieblingsfarbe u Stöffli fürnes schöns Röckli und und und....
Für dä tag Bruchts ned füu,nur äs paar Finke chlii zit us gmüetlichs Kreativ sii. Aes git Wasser u Tee so füu de wosch,zum z`Mittag chli Suppe Salat Chäs u Brot. Am nomittag none Kafipouse mit emne Stück Chueche dr zue.
So jetzt hoffeni ihani di Glustig gmacht.
Amäude chasch di gärn übers Kontaktformular, bis dahin wünscheni dir ganz füu Liebi u gfröits
In Liebi Fee Sandra
Kursdatum: | 14.11.2026 |
Kurs Ort: | Feenchic,Hintere Gasse 10,3297 Leuzigen |
Kurs Zeit: | 9 Uhr bis ca. 17:30 Uhr |
Kurs Teilnehmer: | max.4 Personen |
Kurs Kosten: | 177 fr. plus 55 Material |
So langsam wird`s Winterlich und auii freue sech uf d`Wiehnachte. Do chunt natürlech sones Stärnezwärglich grad zum richtige Ziitpunkt. U was gits schöner`s aus sone liebevolle Begleiter i dr Dunkle Johresziit ? Natürlech zäme im Feenchic ä sone chline Stärnezwärg loh entstoh. Du darfsch dir die Zwärg i dine Farbe Kreiere u do dr zue bechunt är us Filz ä Stärn id Hand unes chlises Liechtli das me ihn de ou guet gseht.
Tee u Wasser hets dr ganzi tag gnueg,u zum z`Mittag gits ä feini Warmi Suppe Salat mit Chäs u Brot. Zum z`Zvieri gits deno Kafi u Chueche.
Mitbringe muesch äs paar Finke u eifach freud am zäme Kreativ sii.
Amäude chasch di übers Kontaktformular.
Jetzt hoffeni ha di gluschtig gmacht , freue mi ufdi bis glii im Feenchic,
In Liebei Fee Sandra